UG Media

ვარკეთილის ქუჩის ხელოვნება

ვარკეთილი ისეთი აღარ არის, როგორიც ადრე იყო. უბანი, რომელიც წლების განმავლობაში მხოლოდ ნაცრისფერ კორპუსებთან და ერთფეროვან ეზოებთან ასოცირდებოდა, დღეს უფრო ფერად და ცოცხალ იერს იძენს. ნაცრისფერი, საბჭოთა ეპოქის კორპუსების ფასადები მასშტაბური გრაფიტების ფონად იქცა, რამაც ბეტონის კედლებს სიცოცხლე შემატა და ვარკეთილი სხვანაირად აჩვენა — ახალგაზრდული, ფერადი და ცოცხალი.

ქუჩებში შეხვდებით როგორც მხატვრებს, ისე ჩვეულ ადამიანებს, რომლებიც ამ ნახატების ფონზე ყოველდღიურ საქმეებს აგრძელებენ. ზოგიერთი ჩერდება, რომ ფოტო გადაიღოს, ზოგისთვის კი ეს უბრალოდ გზად შემჩნეული ფერებია.

გრაფიტი ვარკეთილში ყველგანაა — კედლებზე, კიბეებზე, ავტოფარეხებზე. ზოგჯერ ეს მხოლოდ სიტყვებია, ზოგჯერ კი — ნახატები, რომლებიც გვიყვებიან... წარმოუდგენელია, რომ ამ უბანში გავლისას სადმე მაინც არ მოკრას ადამიანმა თვალი სხვადასხვა ნამუშევრებს. მანქანით გადაადგილებისასასც კი თალშისაცემია კორპუსების გალამაზებული კედლები.

გრაფიტი არ არის მხოლოდ ნახატი კედელზე — ეს არის თვითგამოხატვის გზა, რომელიც ხშირად ახალგაზრდების ხელით იქმნება. მათთვის ქუჩის კედელი არის სივრცე, სადაც თავისუფლად შეუძლიათ საკუთარი აზრების, ემოციებისა და პროტესტის გადმოცემა.